Po bëhen katër vite nga tërmeti tragjik i 26 nëntorit 2019, dhe ende familjet enden nëpër cadra, kontenjerë apo shtëpi me qira. Edhe pse me miliona euro janë hedhur për rindërtimin e vendit pas tërmetit qeveria ende nuk ka dalë me një raport apo me një konferencë mediatike për të bërë një bilanc të punës së bërë deri më tani, për të folur konkretisht me shifra sa banesa janë ndërtuar, sa pallate, sa shkolla, institucione etj.
Deri më tani kemi pasur vetëm deklarata propagandistike nga zyrtarë të ndryshëm të qeverisë ku inagurimin përfundimin e ndonjë banese apo ndonjë shkollë, por pa një bilanc konkret. Deri më tani e vetmja deklaratë mbetet ajo e kryeministrit Edi Rama e bërë në mbledhjen e qeverisw sw 3 dhjetorit 2019.
“Do të kemi 10 mijë apartamente në një fazë të gjatë dhe 5 mijë apartamente në afat të shkurtër.Do të bëjmë ndërtime të reja që janë shembullore, qeveria do të ndërtojë në të njëjtin nivel dhe me shumë shpenzime” , u shpreh Rama aso kohe.
Por deri më tani nuk dihet sa % e këtij premtimi është realizuar. Kjo mungesë transparence është evidentuar edhe nga Komisioneri për të drejtën e informimit, duhet e klasifikuar si një nga çështjet që ka pasur me shumë interes për informacion por që është shoqëruar me më pak transparencë gjatë vitit të kaluar.
Aktualisht bëhet e ditur nga ministrja e Financave Delina Ibrahimaj që janë edhe 8 mijë familje ende me qira dhe pa marrë banesën e tyre.
“Në vitin 2020, numri i familjeve përfituese nga politikën e strehimit, pra të subvencionimit të qirasë, ishte rreth 14,100, ndërsa sot janë 8,400 familje që marrin bonus qiraje me një vlerë mesatare prej 20 mijë lekësh në muaj. Përgjatë periudhës 2020-2022 janë 8.4 miliardë lekë të financuara për këtë qëllim dhe për vitin 2023 janë planifikuar 500 milionë lekë”, tha Ibrahimaj.
Duke qenë se një fond i konsiderueshëm është parashikuar edhe për këtë vit për bonusin e qirasë është e kuptueshme që rindërtimi nuk do të mbyllet as këtë vit. Me shumë gjasa procesi do të zvarritet deri në zgjedhjet e ardhshme parlamentare që janë në 2025, për t’u premtuar mbyllja e tij përfundimisht.
Kalvari i premtimeve, dhe rindërtimi që nuk mbaron!
Ashtu si për shumë projekte të qeverisë që janë zvarritur pa fund edhe rindërtimi që i jepte zgjidhje një plagë të madhe të familjeve është përdorur politikisht dhe me të janë bërë pafund premtime elektorale.
Fillimisht u premtua se procesi do të mbyllej brenda vitit 2020, por më pas në mbledhjen e jashtwzakonshme tw qeverisw nw Tiranë, në 5 dhjetor 2019 Kryeministri Edi Rama deklaroi se “ndërtimet e reja kanë filluar të planifikohen me synimin që në planin afatshkurtër 12-18 muaj, të ndërtohen 5 mijë banesa dhe në planin afatgjatë të ndërtohen 10 mijë banesa”.
Po ky premtim nuk u mbajt pasi deri në 26 nëntor 2021 ishin dorëzuar çelësat e vetëm 1400 apartamenteve
Ndërkohë më 5 mars 2021, ish ministri për Rindërtim, Arben Ahmetaj premtoi se rindërtimi mbyllet në pranverë 2022.
“Në pranverën 2022 nuk do të ketë asnjë shenjë nga tërmeti në të gjithë territorin e dëmtuar në 11 bashkitë e vendit”, tha Ahmetaj.
Por ky premtim u harrua në pranverën e 2022, dhe afati u shty përsëri. Pas mbledhjes sw qeverisw sw datës 18 maj 2022 aso kohe zv/kryeminstri Arben Ahmetaj pemtoi se rindwrtimi mbylllet nw shtator 2022, pwrvecc 5 majit dhe Kombinatit. Edhe në programin e qeverisë 2021-2025 pranvera 2022 ishte vënë si afat përfundimtar.
Por as ky premtim nuk u mbajt, dhe për këtë ministrja Ibrahimaj nxjerrë fajtorët, Covid-19 dhe lufta në Ukrainë.
“Po vërtet duhet të përfundonte brenda vitit 2021 por a mund ta parashikonim ne në dhjetor të vitit 2019 se në vitin 2020, e në pranverë të vitit 2020, e gjithë bota do të mbyllej, punimet do të ndërpriteshin dhe gjithë tregtia do të ndërpritej dhe e gjithë bota do të shkonte ne recesion? Jo, këtë nuk mund ta parashikonim sot. E megjithatë, sot që flasim ne kemi një proces rindërtimi që po vazhdon me ritme të shpejta, ndonëse ka pasur dy kriza të njëpasnjëshme pas situatës tragjike që u desh të përballonim”, tha Ibrahimaj në një interpelancë në Kuvend më 30 Mars 2023.
Përkundër gjithë premtimeve dhe propagandës qeveritare, shenjat materiale të tërmetit të nëntorit ende nuk janë fshirë nga bashkitë e prekura.
Pse shteti largon qytetarët nga prona e tyre!
Strategjia e qeverisë pas tërmetit të nëntorit 2019, ishte të bashkonte familjet e dëmtuara nëpër “lagjet e reja të rindertuara”, kështu ndodhi në Kombinat, tek 5 Maj apo në zonën e Durrësit etj. Familjet u detyruan të linin tokën e tyre dhe të strehoheshin në zonat ku do caktoheshin nga shteti.
Në tetor të vitit të kaluar banorët e pallateve në lagjen 5 në Durrës protestuan para Bashkisë pasi ishin njoftuar se nuk do të përfitojnë banesat e tyre në vendin ku kanë pasur pallatin ekzistues të dëmtuar nga tërmeti i 26 nëntorit, por do të transferoheshin në Porto Romano.
E njëjta situatë është hasur edhe me banorët kombinatit që u detyruan të linin tokat e tyre me të cilat kanë jetuar deri tani, për t’u zhvendosur në shtëpitë e rindertuara.
Në zonën e njohur si Rruga Ura pranë komisariatit nr. 4 në Tiranë disa pallate janë shembur në muajit e fundit, ndërsa banorët janë transferuar në lagjen “5 Maji”, ndërsa aty ku ishin pallatet pritet të marrë jetë një investim tjetër.
“Shpërngulja” e detyrueshme e këtyre banorve nga vendi i tyre nga qeveria nuk është e pranueshme. Agron Haxhimali kryetar i shoqatës së Bashkive thotë se ky shqetësim duhet të ishte zgjidhur nga shteti.
“Ky është shqetësim i madh, pajtohem me shqetësimin qytetarë. Qeveria dhe bashkia duhet të bënin kujdes në këtë pikë. Ideale do të ishte nëse e lejonte studimi teknik ndertimi po ne vendin që u prish nga tërmeti. Por edhe hapja e zonave të reja urbane e mirë jusitifikaur ka kuptim. Por në këto raste kujdesi duhet edhe për akses tjera, si rruga, shkolla trnasporti etj. Që në këto zona të reja mungojnë ose janë në standarte minimaliste”, pohon Haxhimali.
Për projektin që ende nuk ka një datë përfundimi Ministria e Financave pohon se janë shpenzuar deri më tani nga buxheti i shtetit 75.5 miliardë lekë dhe parashikohet të shpenzohen edhe 5 miliardë lekë për vitin 2023.
Lexo edhe: Tërmeti i fortë godet vendin fqinj, ku ishte epiqendra
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Po bëhen katër vite nga tërmeti tragjik i 26 nëntorit 2019, dhe ende familjet enden nëpër cadra, kontenjerë apo shtëpi me qira. Edhe pse me miliona euro janë hedhur për rindërtimin e vendit pas tërmetit qeveria ende nuk ka dalë me një raport apo me një konferencë mediatike për të bërë një bilanc të punës së bërë deri më tani, për të folur konkretisht me shifra sa banesa janë ndërtuar, sa pallate, sa shkolla, institucione etj.
Deri më tani kemi pasur vetëm deklarata propagandistike nga zyrtarë të ndryshëm të qeverisë ku inagurimin përfundimin e ndonjë banese apo ndonjë shkollë, por pa një bilanc konkret. Deri më tani e vetmja deklaratë mbetet ajo e kryeministrit Edi Rama e bërë në mbledhjen e qeverisw sw 3 dhjetorit 2019.
“Do të kemi 10 mijë apartamente në një fazë të gjatë dhe 5 mijë apartamente në afat të shkurtër.Do të bëjmë ndërtime të reja që janë shembullore, qeveria do të ndërtojë në të njëjtin nivel dhe me shumë shpenzime” , u shpreh Rama aso kohe.
Por deri më tani nuk dihet sa % e këtij premtimi është realizuar. Kjo mungesë transparence është evidentuar edhe nga Komisioneri për të drejtën e informimit, duhet e klasifikuar si një nga çështjet që ka pasur me shumë interes për informacion por që është shoqëruar me më pak transparencë gjatë vitit të kaluar.
Aktualisht bëhet e ditur nga ministrja e Financave Delina Ibrahimaj që janë edhe 8 mijë familje ende me qira dhe pa marrë banesën e tyre.
“Në vitin 2020, numri i familjeve përfituese nga politikën e strehimit, pra të subvencionimit të qirasë, ishte rreth 14,100, ndërsa sot janë 8,400 familje që marrin bonus qiraje me një vlerë mesatare prej 20 mijë lekësh në muaj. Përgjatë periudhës 2020-2022 janë 8.4 miliardë lekë të financuara për këtë qëllim dhe për vitin 2023 janë planifikuar 500 milionë lekë”, tha Ibrahimaj.
Duke qenë se një fond i konsiderueshëm është parashikuar edhe për këtë vit për bonusin e qirasë është e kuptueshme që rindërtimi nuk do të mbyllet as këtë vit. Me shumë gjasa procesi do të zvarritet deri në zgjedhjet e ardhshme parlamentare që janë në 2025, për t’u premtuar mbyllja e tij përfundimisht.
Kalvari i premtimeve, dhe rindërtimi që nuk mbaron!
Ashtu si për shumë projekte të qeverisë që janë zvarritur pa fund edhe rindërtimi që i jepte zgjidhje një plagë të madhe të familjeve është përdorur politikisht dhe me të janë bërë pafund premtime elektorale.
Fillimisht u premtua se procesi do të mbyllej brenda vitit 2020, por më pas në mbledhjen e jashtwzakonshme tw qeverisw nw Tiranë, në 5 dhjetor 2019 Kryeministri Edi Rama deklaroi se “ndërtimet e reja kanë filluar të planifikohen me synimin që në planin afatshkurtër 12-18 muaj, të ndërtohen 5 mijë banesa dhe në planin afatgjatë të ndërtohen 10 mijë banesa”.
Po ky premtim nuk u mbajt pasi deri në 26 nëntor 2021 ishin dorëzuar çelësat e vetëm 1400 apartamenteve
Ndërkohë më 5 mars 2021, ish ministri për Rindërtim, Arben Ahmetaj premtoi se rindërtimi mbyllet në pranverë 2022.
“Në pranverën 2022 nuk do të ketë asnjë shenjë nga tërmeti në të gjithë territorin e dëmtuar në 11 bashkitë e vendit”, tha Ahmetaj.
Por ky premtim u harrua në pranverën e 2022, dhe afati u shty përsëri. Pas mbledhjes sw qeverisw sw datës 18 maj 2022 aso kohe zv/kryeminstri Arben Ahmetaj pemtoi se rindwrtimi mbylllet nw shtator 2022, pwrvecc 5 majit dhe Kombinatit. Edhe në programin e qeverisë 2021-2025 pranvera 2022 ishte vënë si afat përfundimtar.
Por as ky premtim nuk u mbajt, dhe për këtë ministrja Ibrahimaj nxjerrë fajtorët, Covid-19 dhe lufta në Ukrainë.
“Po vërtet duhet të përfundonte brenda vitit 2021 por a mund ta parashikonim ne në dhjetor të vitit 2019 se në vitin 2020, e në pranverë të vitit 2020, e gjithë bota do të mbyllej, punimet do të ndërpriteshin dhe gjithë tregtia do të ndërpritej dhe e gjithë bota do të shkonte ne recesion? Jo, këtë nuk mund ta parashikonim sot. E megjithatë, sot që flasim ne kemi një proces rindërtimi që po vazhdon me ritme të shpejta, ndonëse ka pasur dy kriza të njëpasnjëshme pas situatës tragjike që u desh të përballonim”, tha Ibrahimaj në një interpelancë në Kuvend më 30 Mars 2023.
Përkundër gjithë premtimeve dhe propagandës qeveritare, shenjat materiale të tërmetit të nëntorit ende nuk janë fshirë nga bashkitë e prekura.
Pse shteti largon qytetarët nga prona e tyre!
Strategjia e qeverisë pas tërmetit të nëntorit 2019, ishte të bashkonte familjet e dëmtuara nëpër “lagjet e reja të rindertuara”, kështu ndodhi në Kombinat, tek 5 Maj apo në zonën e Durrësit etj. Familjet u detyruan të linin tokën e tyre dhe të strehoheshin në zonat ku do caktoheshin nga shteti.
Në tetor të vitit të kaluar banorët e pallateve në lagjen 5 në Durrës protestuan para Bashkisë pasi ishin njoftuar se nuk do të përfitojnë banesat e tyre në vendin ku kanë pasur pallatin ekzistues të dëmtuar nga tërmeti i 26 nëntorit, por do të transferoheshin në Porto Romano.
E njëjta situatë është hasur edhe me banorët kombinatit që u detyruan të linin tokat e tyre me të cilat kanë jetuar deri tani, për t’u zhvendosur në shtëpitë e rindertuara.
Në zonën e njohur si Rruga Ura pranë komisariatit nr. 4 në Tiranë disa pallate janë shembur në muajit e fundit, ndërsa banorët janë transferuar në lagjen “5 Maji”, ndërsa aty ku ishin pallatet pritet të marrë jetë një investim tjetër.
“Shpërngulja” e detyrueshme e këtyre banorve nga vendi i tyre nga qeveria nuk është e pranueshme. Agron Haxhimali kryetar i shoqatës së Bashkive thotë se ky shqetësim duhet të ishte zgjidhur nga shteti.
“Ky është shqetësim i madh, pajtohem me shqetësimin qytetarë. Qeveria dhe bashkia duhet të bënin kujdes në këtë pikë. Ideale do të ishte nëse e lejonte studimi teknik ndertimi po ne vendin që u prish nga tërmeti. Por edhe hapja e zonave të reja urbane e mirë jusitifikaur ka kuptim. Por në këto raste kujdesi duhet edhe për akses tjera, si rruga, shkolla trnasporti etj. Që në këto zona të reja mungojnë ose janë në standarte minimaliste”, pohon Haxhimali.
Për projektin që ende nuk ka një datë përfundimi Ministria e Financave pohon se janë shpenzuar deri më tani nga buxheti i shtetit 75.5 miliardë lekë dhe parashikohet të shpenzohen edhe 5 miliardë lekë për vitin 2023.
Lexo edhe: Tërmeti i fortë godet vendin fqinj, ku ishte epiqendra
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
