Trajneri i Vllaznisë, Ernest Gjoka, ka dhënë sot detaje të reja mbi ngjarjen që tronditi dje Shkodrën ku ai u bë objektiv i një sulmi me thikë nga një person ende i lirë.
I ftuar në televizionin “Star Plus TV” Gjoka tha se Vllaznia ka probleme që lidhen me atë që duke qene bashkia pronare ka që mendojnë se mund te fusin fëmijët në ekip dhe pse nuk e meritojnë.
“Personi do ishte e ndershme te dilte haptazi, por jam i bindur se donte të më frikësonte. Vllaznia ka probleme që lidhen me atë që duke qene bashkia pronare ka që mendojnë se mund te fusin fëmijët në ekip dhe pse nuk e meritojnë. Ka që kanë mundur t’a bëjnë këtë, dhe kur ndryshohen trajnerët kërkojnë aktivizimin e tyre dhe pse ato nuk i nevojiten ekipit.
Kjo sjell pakënaqësi e presione ndaj trajnerit por ne rast se dikush e meriton nuk ka trajner qe nuk e përfshin. Unë jam I vendosur të shkojmë përpara, nuk do largohem dhe ekipi do reagojë pozitivisht. Kjo që ka ndodhur nuk ka lidhje me Shkodrën, me pjesën e shëndoshë të saj, unë e di se Shkodra e Vllaznia janë tjetër gjë nga ajo që ndodhi” ka deklaruar Gjoka.
