Mjeku kardiolog Edvin Prifti është rikthyer në detyrë. Gjykata e Posaçme ka pranuar kërkesën e mjekut duke hequr pezullimin për ushtrimin e profesionit nga ana e tij.
Përmes një avokati, Prifti kërkoi heqjen e pezullimit me argumentin se kishte përfunduar afati 1 vjeçar i hetimeve të prokurorisë.
Hetimet
Kujtojmë se, emri i kardiologut doli nga përgjimet që po kryheshin në Gjykatën e Krujës, operacion që u finalizua arrestimin e 13 personave, mes tyre edhe gjyqtarja Enkelejda Hoxha. Mjeku Prifti mori ryshfet nga kryesekretarja e Gjykatës së Krujës, Manuela Mallakuçi për t’i operuar nënën. Sekretarja e Gjykatës së Krujës Manuela Mallakuçi ka qenë nën përgjim pasi ishte përfshirë në lirimin e të dënuarit Saimir Petani, i cili priste të lirohej nga Enkeleida Hoxha, por që nuk u lejua nga SPAK duke e arrestuar atë dhe gjyqtaren Hoxha gjatë seancës. Në një prej shumë bisedave që ka kryer, Mallakuçi është kapur duke folur me Priftin që t’i kryente një operacion jashtë radhe nënës së saj. Gjatë kontrollit, atij iu gjetën 250 mijë Euro dhe 16 mln lekë cash në zyrë e shtëpi.
