Gjykata e Posaçme ka dënuar këtë të hënë me 1 vit e 6 muaj burg ish-kreun e Kadastrës Berat, Ervin Nelaj, i arrestuar në janar të vitit 2021 për korrupsion në miratimin e lejeve të ndërtimit në këtë qytet.
Gjithashtu GJKKO ka denuar me 1 vit e 4 muaj burg Xhekisa Toton, e cila ka ndihmuar Ervin Nelajn ne aktivitetin e paligjshem.
SPAK kerkoi 3 vite burg per Ervin Nelajn dhe 2 vite burg per Xhekisa Toton, por GJKKO vendosi ta denoje vetem 1 vit e 6 muaj burg Nelajn dhe 1 vit e 4 muaj burg Toton.
Pas rreth 9 muaj nën hetim nga strukturat e SPAK në bashkëpunim me policinë e Beratit, u arrestua në janar 2021 drejtor i Agjencisë Shtetërore të Kadastrës në këtë qytet Ervin Nelaj.
Ai u arrstua në kuadër të operacionit “Aluizi” pas 9 muajve hetim nga Policia e Berat në bashkëpunim me strukturat e SPAK-ut për të goditur korrupsionin pasiv tek personat që ushtrojnë funksione publike.
Ervin Nelaj, 38 vjeç me banim në Berat, ushtronte detyrën si drejtor i Agjencisë Shtetërore të Kadastrës në Drejtorinë Rajonale Berat.
Sipas informacioneve, forcat blu theksonin ne kohen kur u arrestua se ky shtetas dyshohet se gjatë ushtrimit të detyrës ka përvetësuar shuma parash nga persona të ndryshëm, me qëllim pajisjen e tyre me dokumentet e lejes së legalizimit.
