Mjekja Elisabeta Musta ka reaguar e indinjuar në lidhje me ndryshimin radikal të godinës së gjimnazit Sami Frashëri në Tiranë, nga kryebashkiaku Erjon Veliaj.
“Sot nga shkolla e krenarisë dhe nostalgjisë të shumë brezave në Tiranë, që përjetuan diktaturën dhe lirinë tashmë ka mbetur vetëm një kujtim i bukur, i paharruar nga Samiu, vetëm busti i rilindasit të vërtetë, që na buzëqeshte sa hynim në oborrin plot jetë të shkollës sonë. Asgjë nuk i lanë të kaluarës, kujtesës sonë, traditës së pjesës më të vjetër të kryeqytetit, korifeut iluminist që besonte se dritë e diturisë përpara do të na shpjerë’, shkruan Musta në rrjetet sociale, ku publikon edhe dy foto, për të bërë dallimin se si ka qenë kjo godinë para shembjes dhe si është ndërtuar.
Ti gëzojnë patronazhistët dhe fëmijët e tyre, godinat post moderniste të revolucionit kulturor.
