Bashkëkryetari i Komisionit për Rëformën Zgjedhore, Damian Gjiknuri është shprehur se ka një draft që po punohet, i cili synon depolitizimin e procesit zgjedhor.
Në një dalje për mediat, Gjiknuri synon që partitë politike të mbajnë larg duart nga zgjedhjet, dhe për këtë nuk do të ketë më komisioner të emëruar prej tyre.
“Ka ardhur koha për një sistem të depolitizuar. Njerëzit do të marrin pjesë në trajnim më pas do të zgjidhen me short, procesi do të jetë revolucionuar, do të japë rezultate dhe përbën një risi. Sot u përqendruam nga skema e KQZ-së te njësitë e qendrave të votimit. Synimi ka qenë të ndahet administrimi zgjedhor, totalisht e shkëputur nga partitë dhe rregullat. Mbledhja tjetër do të zhvillohet javën tjetër, pasi deputetët kërkuan më shumë kohë për diskutime. Ne presim çdo lloj propozimi nga PD-ja do të zhvillojmë edhe një seancë të hapur si javën e kaluar, PD-ja është pjesë integrale e këtij komisioni”.
