Arbri është një fëmijë 5 vjeçar jo si gjithë të tjerët. Ai shkon në kopësht si çdo bashkëmoshatar i tij por ndryshe nga ata ai është i aftë të kryej me mend veprime matematikore të një shkalle të lartë vështirësie. Ai është i zoti të bëjë mbledhje të shifrave shumë të mëdha si dhe të gjejë çfarë dite i takon një datë e një viti të caktuar.
Edukatorja e tij rrëfen që prej kur Arbri u bë pjesë e grupit të saj arriti të kuptojë që ai ishte një fëmijë i veçantë me një potencial intelektual të jashtëzakonshëm.
“Më ka bërë përshtypje sepse Arbri ishte pak më i veçantë nga të tjerët, është i heshtur, studion ambientin, i zgjedh shokët dhe shoqet pastaj pozicionohet.”- shprehet edukatorja.
Së shpejti gjeniu 5 vjeçar do t’i nënshtrohet testit të inteligjencës për të konfirmuar zyrtarisht shkallën e tij të intelektit. Fjala e fundit do t’i mbetet Ministrisë së Arsimit nëse 5 vjeçarit do t’i lejohet të kalojë klasat më shpejt, me qëllim që të mos humbi interesin për shkollën e njëkohësisht të avancojë në marrjen e njohurive.
https://www.youtube.com/watch?v=XO77h5qHihM&sns=fb
