Trupi i një shqiptari është gjetur i pajetë dhe i groposur në Spanjë. Zbulimi është bërë nga policia vendase të shtunën e kaluar, ndërsa shqiptari rezultonte i zhdukur prej 1 viti.
Ai u gjet i varrosur në një depo industriale të braktisur, në Argentona. Trupi i pajetë ishte futur më shumë se një metër nën tokë dhe më pas ishte mbuluar nga një shtresë betoni. Edhe pse dyshohet për një krim pasioni, ende autoritetet nuk kanë një pistë hetimi për të zbuluar ngjarjen. Dyshimet e para të policisë vunë në dukje faktin se ishte një krim i lidhur me veprimtarinë e një organizate dedikuar trafikimit të marijuanës dhe pastrimit të parave. Megjithatë, verifikimi i tabulateve telefonike nxori se mesazhet ishin me natyrë pasionante.
Por si humbi kontaktet shqiptari?
Në qershor të 2017-ës, një grua moldave, tek e cila shqiptari kishte marrë një shtëpi me qera, kishte denoncuar zhdukjen e shqiptarit. Kjo e fundit iu drejtua policisë pasi është ndjerë e shqetësuar për fatin e shqiptarit, i cili kishte lënë sendet personale në banesë. Një muaj më pas do të ishte vetë babai i shqiptarit që do të udhëtonte drejt Spanjës dhe do të denonconte zhdukjen e djalit në komisariatin e Granollers. Nuk bëhet i ditur emri i shqiptarit.
/noa.al/
