Në shtratin e lumit Mat është gjetur një granatë. Mësohet se granata është pikasur në afërsi të Klsoit nga banorë të zonës. Pritet që në vendin e ngjarjes të mbërrijnë forcat xheniere dhe të bëjnë të mundur largimin e granatës nga shtrati i lumit.
Për përcaktimin e rrezikshmërisë dhe demontimin e saj duhen specialistë të fushës xheniere. Është njoftuar Stacioni i Policise se Shtetit në qytetin Klos, i cili ka marrë në ruajtje armen deri në demontimin e saj.
Një rast i ngjashëm u raportua pak ditë më parë edhe në Maliq, ku një tjetër granatë u gjet në një nga zonate qytetit. Gijotina.com mëson se bëhet fjalë për një granatë që daton që nga Lufta e Dytë Botërore.
Granata u gjet në afërsi të një banese në pronësi të Astrit Qelasit, në fshatin Valiterne. Mendohet se granata të jetë e vitit 1941.
Pas konstatimit u njoftua policia dhe iu bë kërkesë Ministrisë së Mbrojtjes për demonitimin e saj.
Maliqi është një zonë e rëndësishme arkeologjike ndër të vetmet në Shqipëri për periudhën e paleolitit të hershëm. Nga gërmimet arkeologjike aty janë gjetur ndërtesat palafite (ndërtesa me drurë mbi ujë) si dhe shumë sende të rëndësishme me vlerë arkeologjike.
