Krijuesi i “Yu-Gi-Oh!”, artisti japonez Kazuki Takahashi, është gjetur i vdekur në det në Japoni. 60-vjeçari ishte në një udhëtim pranë ishullit jugor Okinaëa.
Ai mbante një maskë nënujore, tub ajri dhe veshje për zhytje. “Po hetojmë rastin si aksidentale, por edhe si krim”, tha një zyrtar, raporton BBC.
Takahashi u gjet rreth 300 metra në det të hapur, tha transmetuesi publik NHK. Ai u gjet të mërkurën dhe u identifikua të enjten.
Yu-Gi-Oh!, që do të thotë Mbreti i Lojërave, ka të bëjë me adoleshentin Yugi, i cili merr një enigmë të lashtë që zgjon tek ai një faraon egjiptian. Më pas ai zgjidh konfliktet duke përdorur lojëra.
Një dekadë pasi u krijua, Yu-Gi-Oh! fitoi Rekordin Botëror Guinness për lojën më të shitur të letrave në histori me shitje prej më shumë se 22 miliardë kartash.
