Një emigrant shqiptar është ekzekutuar me dy plumba në Greqi.
Ngjarja e rëndë ka ndodhur në vendin e quajtur Kariani, Kavala, ku është gjetur i vrarë shqiptari 58-vjeç.
Shqiptari është gjetur i pajetë nga pronari i tij. Mësohet se 58-vjeçari është qëlluar me plumb në kokë dhe në gjoks.
58-vjeçari, identiteti i të cilit nuk është bërë me dije punonte prej disa vitesh në këtë zonë dhe njihej si një person i mirë, punëtor dhe pa probleme.
Trupi i tij u dërgua në morgun e spitalit të Kavallës për ekzaminim mjeko ligjor, ndërsa policia ka nisur hetimet për zbardhjen e ngjarjes.
