Një 14-vjeçar është gjetur pa shenja jete mëngjesin e sotëm tek liqeni i Farkës, në Tiranë.
Mësohet se i mituri me iniciale A.R., është nxjerrë nga liqeni pa shenja jete dhe dyshohet se është mbytur.
Policia po punon për zbardhjen e plotë të rrethanave të ngjarjes.
Njoftimi i policisë:
Më datë 05.09.2020, rreth orës 06:35, tek Liqeni i Farkës, është gjetur pa shenja jete shtetasi i mitur me iniciale A.R., 14 vjeç, i cili dyshohet se është mbytur në liqen.
Punohet për zbardhjen e plotë të rrethanave të ngjarjes.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
