Gjenden 109 kg kanabis të hedhur në shkurre, në kërkim autorët

Kombëtarja e të rejave U20 mundet nga Serbia me 94 pikë diferencë! Këto janë talentet e shkollave 12 milionë euro të Fidel Yllit?

Policia e Tiranës ka sekuestruar 109 kg lëndë narkotike kanabis në zonën e Kasharit, të cilat ishin hedhur mes shkurreve.

“Vijon puna nga strukturat e D.V.P.Tiranë për kontrollin e territorit me qëllim, gjetjen dhe sekuestrimin e lëndës narkotike që mund të jetë fshehur në vende të ndryshme.
Si rezultat i kontrollit, evidentohet dhe sekustrohet një sasi prej 109 kilogramë, e dyshuar lëndë narkotike Cannabis Sativa.

Gjatë ditës së djeshme shërbimet e policisë të Komisariatit nr.6, bazuar në informacionet e marra në rrugë operative, se në territorin e fshatit Kus, Kashar, mund të ishte fshehur apo hedhur lëndë narkotike Cannabis Sativa në territor të pyllëzuar kanë evidentuar dhe sekuestruar në një korije me shkurre, 109 kg lëndë narkotike Cannabis Sativa, të pa ambalazhuar, të hedhur mes shkurreve.

Lënda narkotike dyshohet se është hedhur nga poseduesit, si rezultat i presionit dhe kontrollit të vazhdueshëm që policia po kryen për të goditur këtë aktivitet kriminal. Vijon puna për evidentimin dhe kapjen e autorëve”, citohet në njoftimin e policisë.