Deputeti Agron Gjekmarkaj nuk është ndier mirë për aktin e ish-kryeministrit Sali Berisha, i cili shtyu sot në foltore kreun e PD-së, Enkelejd Aliebajn për t’i marrë fjalën. Gjekmarkaj tha se nuk është ndier mirë dhe se nuk e priste që një burrë me aq eksperiencë në politikë të sillej në atë mënyrë.
“Nuk jam ndjerë mirë, përtej gjykimeve që kam për Berishën, nuk e pres që një burrë me eksperiencën e tij në politikë të sillet në aty mënyrë ndaj Alibeajt. Unë do votoja çdo president që përbush kriteret” – tha Gjekmarkaj.
Ndërsa për rolin e opozitës për Presidentin e ri, Gjekmarkaj tha se PD nuk e ka luksin të rrijë jashtë procesit.
“Mendoj që PD nuk e ka luksin të jetë përjashtuese në procesin e zgjedhjes së Presidentit. Kemi gabuar në disa përjashtime dhe besoj që PD duhet t’i përgjigjet qytetarëve me propozime konkrete, pavarësisht se besoj që nuk do merren parasysh” – u shpreh Agron Gjekmarkaj.
