Ish deputeti demokrat Gerti Bogdani ka reaguar për një plan të mundshëm të qeverisë për të shitur ishullin e Sazanit.
Në një status në Facebook, Bogdani shkruan bëhet fjalë për pjesën Veri-Lindore të ishullit, përballë qytetit të Vlorës.
“Këto ditë po e pastrojnë nga ferrat, sepse flitet që do vijnë “investitorët” nga Afrika e Veriut për ta inspektuar! (Bëhet fjalë për pjesën Veri-Lindore të ishullit, përballë Vlorës) Shitur/Koncesion/PPP (një zot e di), nëse është e vërtetë është turp historik dhe babëzi unike! Nëse është e vërtetë (realisht shpresoj që jo), duhet sqaruar a është shfrytëzuar gjendja e pandemisë dhe Covidit për t’u bërë me tender sekret dhe kush ka qenë ai i marrë që ka marrë guximin ta firmosi një procedurë të tillë”, shkruan ish-deputeti Gerti Bogdani.
