I ftuar në emisionin “Open”, Taulant Balla është pyetur nga gazetarja e kronikës Anila Hoxha se me kë kishte qenë për peshkim ditën kur oficeri Emiljano Nuhu pretendon se ai ka qenë në Komisariatin e Fushë Krujës.
“Ju thoni se keni qenë për peshkim atë ditë. Do isha e interesuar nëse më tregoni me kë keni qenë për peshkim”, i është drejtuar Hoxha Taulant Ballës, i cili për një moment është vënë në siklet duke e quajtur këtë një situatë qesharake.
Më pas Balla ka thë se ai kishte qenë në Pogradec së bashku me një gazetar tjetër që ishte ato ditë pushimesh aty rastësisht, si dhe deputetin Ilir Xhakolli.
“Më datë 21 korrik kam qenë në Pogradec dhe me një gazetar, dhe me deputetin Ilir Xhakolli”, ka thënë Balla.
