Autoriteti i Aviacionit Civil shqiptar, ka vendosur sot të ndalojë fluturimet e avionëve “BOING 737-8 dhe 737-9 MAX” në terriotrin ajror duke iu bashkuar kështu Agjencisë Evropiane të Sigurisë në Operim të Aviacionit (EASA).
Por gazetarja Mirilda Tili sqaron se Shqipëria nuk ka ndaluar asnjë gjë. Ajo shkruan se në vendin tonë nuk ka BOING 737-8 dhe 737-9 MAX.
Gazetarja Mirilda Tili shkruan:
Sqarim për mediat dhe njerëzinë për sa i përket ndalimit të fluturimeve të boingeve 737 dhe 737-9 MAX, pas rastit të aksidentit me mbi 150 jetë të humbura.
Shqipëria nuk ka ndaluar asnjë gjë! Thjesht ka përkthyer urdhërin e EASA-s. Plusssss në vendin tonë nuk ka BOING 737-8 dhe 737-9 MAX. Kjo për disa arsye. E para këta që janë ndaluar janë prodhim i ri, e vetmja kompani që ka boing është Blue Panorama, por ajo nuk kontrollohet nga AAC-ja jonë. Pra…. këta trimat tanë vetëm kanë përkthyer një urdhër, nuk kanë ndaluar gjë.
Meqë jemi tek avionët, a dini gjë se çfare u bë me Air Albania? Se kaloi muaji dhe ministresha tha që do të ishte maksimumi 10 ditë. Po kalojnë 40 dhe unë nuk kam dëgjuar gjë.
