Gazetari i MCN, Gerti Çarçani është “tmerruar” nga një luaneshë, gjatë një interviste në një kompleks në Durrës, kur i kanë afruar një luaneshë, e cila është zbutur nga pronarët.
Siç edhe duket nga pamjet, ajo ngjan më shumë si një qen i stërvitur mirë, por Çarçani me shumë të drejtë ka kërkuar vazhdimisht largimin e saj nga oborri i kompleksit, ndërsa Presidenti i Teutës, Edmond Hasanbelliu, megjithëse në siklet nuk qahet, madje ka organizuar gjithçka për të trembur gazetarin.
Pjesë nga biseda:
Gerti Çarçani: Kam fryk mo! Jo këtu të lutem. Jo këtu se kam frikë. O boss jo të lutem! Na e ço andej, të lutem! S’na njeh ne. Po vjen prapë po hiqet.
Edmond Hasanbelliu: Prit të marrë veten ky. I thashë dy kameramanëve që të filmojnë, kur të vijë luani, por nuk erdhi fort që të hidhej.
Pasi luanesha bën një xhiro në oborr, kthehet më pas në vendin e saj, duke ndjekur nga prapa të zotin.
