Eugent Bushpepa shkëlqeu mbrëmjen e djeshme në Madrid gjatë “EscPreParty” ku këndoi “Mall”. Bushpepa dhuroi emocione të veçanta për publikun europian duke vijuar me sukses këtë fazë të promovimit të këngëve pjesëmarrëse në Eurovision.
Para dhe gjatë këtij eventi këngëtarët jo vetëm që këndojnë, por edhe japin intervista për gazetarët. Një nga pyetjet për Bushpepën lidhej me Ermal Metën, shqiptarin tjetër të Eurovisionit, por që garon për Italinë.
“Një nga djemtë që këndon për Italinë është shqiptar, jeton atje prej shumë vitesh, nuk besoj se do të kthehet më në Shqipëri. Ai është producent shumë i mirë në Itali, bën muzikë shumë të mirë, po e kërkoj që ta takoj”, tha Bushpepa.
