Ligjvënësi i VMRO-DPMNE-së, Ilija Dimovski, kishte dhënë deklaratën në gjuhën maqedonase dhe i kërkohej e njëjta deklaratë edhe në shqip nga gazetari shqiptar
Një kërkesë legjitime e gazetarit shqiptar në Maqedoni ka vënë në pozitë të vështirë deputetin maqedonas të VMRO-DPMNE-së, Ilija Dimovski. Gazetari i ka kërkuar që deklaratën në gjuhën maqedonase ta jepte edhe në shqip. Kjo ndodh zakonisht me gazetarët maqedonas të cilët kërkojnë prej politikanëve shqiptarë që pasi flasin shqip, të flasin edhe maqedonisht, sepse nuk e kuptojnë gjuhën shqipe.
Mirëpo një gazetar shqiptar i TV 21, në Kuvendin e Maqedonisë ka krijuar situatë të kundërt. Pasi ka dhënë deklaratë për mediumet deputeti i VMRO-DPMNE-së, Ilija Dimovski në gjuhën maqedonase, i është parashtruar pyetja nga gazetari shqiptar. “Zotëri Dimovski, a mund të jeni deklaratën edhe në gjuhën shqipe, se nuk ju kuptova”, ka qenë kërkesa e gazetarit shqiptar, raporton Gazeta Lajm nga Kuvendi. Dimovski nuk ka reaguar fare, por është “përgjigjur” vetëm me buzëqeshje.
