Krei i ILDKP-së: Bëmë 47 kallëzime penale ku përfshihen zyrtarë të nivelit të lartë drejtues, si deputetë, ish-ministra apo anëtarë të KLD-së
Kreu i Inspektorit të Lartë të Kontrollit dhe Deklarimit të Pasurive, Shkëlqim Ganaj, shpreh rezerva për punën e prokurroisë. Ganaj tha sot në Kuvend se institucioni që drejton ka bërë 47 kallëzime penale ku përfshihen zyrtarë të nivelit të lartë drejtues, si deputetë, ish-ministra apo anëtarë të KLD-së. Në raportin e prezantuar sot në Kuvend, Ganaj tha se janë bërë kallëzime edhe për gjyqtarë dhe prokurorë. Edhe pse janë paditur zyrtyarë të niveleve të larta, Ganaj theksoi se vazhdon të ndëshkohen zyrtarët e niveleve të ulëta. “Zyrtarët e lartë me pasuri disa milionë euro ende nuk gjykohen”, tha Ganaj.
Në fjalëne etij në Kuvend, Ganaj theksoi se gjatë vitit të shkuar janë bërë 84 kallëzime penale pranë organit të akuzës. Nga këtë kallëzime, 10 prej tyre janë gjyqtarë dhe prokurorë. “Kanë së bashku rreth 40 milionë euro pasuri të pambuluara me burime të ligjshme financiare dhe të pajustifikuara me dokumentacion ligjor. Ne akoma nuk kemi përgjigje për të gjitha denoncimet që kemi bërë. Për një pjesë prej tyre, 10 prej tyre siç thashë kanë 40 milionë euro pasuri, deri më sot nuk kemi asnjë përgjigje nga Prokuroria”, tha Ganaj.
