Një gazetare në Argjentinë ka bërë një gafë duke njoftuar vdekjen e të vaksinuarit të parë në Britaninë Madhe por që e ngatërron me shkrimtarin e madh William Shakespeare.
“Lajmi na shokoi të gjithëve, për mua ishte një mjeshtër i madh”- ka komentuar gazetarja në lidhje live shkruan Bbc. Videoja e gazetares bëri xhiron e botës.
81-vjeçari William Shakespeare, i njohur nga miqtë si Bill mori dozën e tij të parë Pfizer në dhjetor, por vdiq nga një sëmundje këtë javë. Pensionisti me emrin e veçantë bëri histori kur mori vaksinën në Spitalin Universitar Coventry në Britani, duke shënuar një pikë kthese në luftën kundër koronavirusit dhe fillimin e programit më të madh të vaksinimit në histori.
Shekspiri është shkrimtari më i shkëlqyer i gjuhës angleze, në mënyrë absolute, një ndër shkrimtarët më të mëdhenj të të gjitha kohërave. Ai ndërroi jetë në vitin 1616.
