Ish-kryeministri, Sali Berisha, ka prezantuar sot kandidatin e tij për zgjedhjet e 6 marsit në Lushnjë. Por gjatë prezantimit, Berisha ka bërë një gafë, ai ka ngatërruar emrin e kandidatit, duke e thirrur atë Ilir, kur në fakt quhet Enton Bino.
Në moment Berisha e ka kapur gabimin dhe e ka korrigjuar duke thënë se e Ilir është një miku i tij dhe u ngatërrua. “Mbështetja e kandidatit tonë Ilir Bano. Më fal, Enton, Ilir është miku im. është një mbështetje për shpresën për ndryshimin. Ju e shikoni ndryshimin”, u shpreh Berisha.
Salla ka shpërthyer në të qeshura, ndërsa ka pasur edhe nga ata të cilët aluduan se Berisha e ngatërroi kandidatin me Ilir Metën.
