Një peson i tretë, Najim Laachraoui, është në kërkim nga policia
Dy vëllezërit Khalid dhe Brahim El Bakraou, bashkëpunëtore të Abdeslam janë kamikazët që hodhën veten në erë në aeroportin e Brukselit. Ndërkohë një person I tretë që ka qenë para shpërthimit së bashku me ta, i identifikuar si Najim Laachraoui është në kërkim.
Sipas mediave belge vëllezërit Khalid dhe Brahim El Bakraoui ishin të moshës 27 dhe 30 vjeç. Ata me identitet të rremë kishin marrë me qera një banesë në periferi të kryeqytetit belg. Kanë qenë të njohur për policinë pasi ishin me precedentë penalë, si sulme ndaj policisë dhe grabitje të armatosura.
Personi i tretë që u filmua me dy vëllezërit në aeroport, Najim Laachraoui, 24 vjeçari xhihadist, ka qenë pjesë e grupit të sulmeve të 13 nëntorit të 2015 në Paris. 11 të vdekur në Aeroportin e Zaventem dhe 20 të tjerë në stacionin e metrosë së Maelbeekut, e kanë çuar në 31 numrin e personave që humbën jetën tragjikisht nga sulmet tronditëse të Brukselit. Belgjika ka shpallur tri ditë zie kombëtare.
