Shqiptari me origjinë nga Nakushtaku nënshkruan kontratën me klubin madrilen. 16-vjeçari nënshkroi dje kontratën si profesionist me klubin e madh botëror, Real Madridin, për 7 vite. Këtë lajm e ka konfirmuar vet kushuriri i tij, futbollisti i kombëtares sonë Burhan Aliji.
“Është e vërtetë se Egzoni ka nënshkruar kontratë 7-vjeçare me Real Madridin. Të martën i bën gati valixhet për t’u kthyer në Madrid, pasi siç më ka njoftuar prindi i tij, të enjtën, së bashku me blerjet tjera, do të prezantohet si lojtar i ri i Realit”, – tregon futbollisti Aliji.
