Kreu i FSHF Armand Duka në një postim në rrjetet sociale shkruan se me vdekjen e Pele, futbolli humbi sot mbretin.
Duka shprehet se “i madhi Pele, braziliani virtuoz që magjepsi botën me talentin e tij, u nda nga jeta pas një betejë me problemet shëndetësore”.
Armand Duke vlerëson se Pele ishte një legjendë në futboll, që do jetojë përgjithmonë.
Postimi i kreut të FSHF Armand Duka:
Futbolli humbi sot mbretin. I madhi Pele, braziliani virtuoz që magjepsi botën me talentin e tij, u nda nga jeta pas një betejë me problemet shëndetësore. Një moment i vështirë për të gjithë ata që patën fatin ta shikonin nga shkallët e stadiumit duke luajtur, por edhe për ato që e kanë njohur përmes historisë dhe bëmave të tij. Do t’i mungojë shumë botës së futbollit, por rekordet, arritjet e tij unike dhe trofetë e shumtë e kanë ngjitur prej shumë kohësh në olimpin e futbollit. Legjendat jetojnë përgjithmonë! U prehsh në paqe i madhi Pele!
