Pak ditë më parë, një grup mjekësh iu drejtuan kryeministrit Edi Rama, Presidentit Ilir Meta dhe liderëve të tjerë politikë të respektojnë masat anti-covid gjatë fushatës elektorale. Mjekët Arben Gjeka, Drilon Çupi, Marseda Spiro dhe Elona Çekani në një lidhje me Skype në “Abc-ja e mëngjesit” shprehën rëndësinë e respektimin të këtyre masave pasi rritja e infektimeve tregon një situate alarmante, e cila pritet të përkeqësohet muajt në vazhdim.
“Ajo që ne na shqetëson është që shifrat që kanë ardhur në rritje qoftë të numrit të infektimeve apo vdekjeve janë për t’u shqetësuar. Domethnë flasim për Shqipërinë 2 milion e gjysmë banorë, 1 mijë infektime në ditë është një shifër për t’u trembur duke ditur dhe kapacitet që nga vendi, ndaj dhe morëm këtë hap duke iu kërkuar instancave partiake që të respektojnë ato ligje dhe rregulla që kanë miratuar vetë. Përmbajtja e asaj letre nuk është asgjë tjetre veçse vënia në fokus i këtyre ligjeve që vetë ata që janë në krye i kanë miratuar.”, u shpreh Marseda.
Mjeku Drilon Çupi u shpreh se fushata mund të jetë një “bombe” infektive, ndërsa theksoi nevojën e një lockdown-i të pjesshëm. “Për të shmangur që kapacitetet shëndetësore të mbushen, duhet të shkojmë të gjithë në lockdown. Kishte shtete të tjera si Suedia që ndoqën një strategji tjetër të mos aplikimit të locdown por eksperienca tregoi se ishte e gabuar. Në momentin që flasim kurba e infektimeve të reja dhe vdekjeje sidomos në Shqipëri është në rritje dhe kjo është alarmante dhe duke futur këtu një nga eventet më të mëdhaja si fushata atëherë duke qenë se numrat janë në rritje, ne kemi dalë me prononcimin tonë që kjo është në paralelizmin e një bombe infektive që pritet të ketë pasoja të mëdhaja për sistemin shëndetësor dhe njerëzimin.”
Mjekja Elona Çekani theksoi se për shkak se situata është alarmante dhe sistemi shëndetësor është saturuar duhet një ndërgjegjësim nga palët politike dhe popullsia për respektimin e këtyre masave që kanë ndërmarrë. “Këto numra tregojnë se ajo që pritet të vijë është një goditje finale e jetëve njerëzore sepse sistemi është faturuar. Kështu që në mars dhe në prill do të ketë kosto njerëzore të pallogaritshme, për të specifikuar kur flasim për locdon askush nuk bën më locdown si në prill apo në mars vjet. Por shqiptarët duhet të keni parasysh, të bëjnë llogaritë mirë dhe të shikojnë çfarë iu leverdis, të keni në shtëpitë e tyre Covid për disa pjesëtarë të familjes e cila përkthehet në një kosto shumë të lartë, sepse trajtimi i covid është komercionalizuar pra të llogarisin humbje në kosto dhe humbje njerëzore apo të llogarisin një rrogë mujore derisa kjo dramë të marrë fund. Shtëpitë e shqiptarëve janë kthyer në spitale, spitalet janë saturuar atëherë çfarë po presim.”, u shpreh Elona./abcnews
