Një aksident i rëndë me pasojë vdekjen është shënuar mbrëmjen e sdjeshme në Fushë-Krujë. 18-vjeçari Irdi Laçi ka humbur jetën pasi është përplasur nga një fuoristradë, teksa po shtynte automjetin e tij që i ishte fikur në mes të rrugës.
Sipas informacionit paraprak, i riu ndodhej në karrexhatë duke tentuar të largonte mjetin e bllokuar, kur është goditur nga një automjet tip fuoristradë. Përplasja ka qenë fatale dhe 18-vjeçari ka ndërruar jetë në vend.
Shoferi i fuoristradës është larguar fillimisht nga vendngjarja, por më pas është vetëdorëzuar në komisariat. Ai po merret në pyetje nga policia, ndërsa ndaj tij pritet të kryhen procedurat e mëtejshme ligjore.
Grupi hetimor ndodhet në vendin e ngjarjes dhe po punon për të zbardhur rrethanat e plota të aksidentit, përfshirë shpejtësinë e mjetit, kushtet e ndriçimit dhe sinjalistikën rrugore në momentin e përplasjes.
gijotina.com/
