Pasditen e së hënës në Himarë u zhvillua një protestë për lirimin nga paraburgimi të Fredi Belerit, kryebashkiakut të zgjedhur të Himarës, i cili akuzohet për blerje votash.
Beleri rrezikon të humbasë mandatin si Kryebashkiak për shkak se ai nuk u lejua të betohet para Këshillit Bashkiak ashtu sikundër e parashikon ligji.
Athina zyrtare ka akuzuar Qeverinë Rama lidhur me procesin politik ndaj Fredi Belerit, ndërsa ka paralajmëruar se kjo do t’i kushtojë Shqipërisë në proceset integruese në BE, pasi nuk po respektohet shteti i së drejtës.
Në anën tjetër, Kryeministri Edi Rama përmes një komenti në rrjetet sociale e konsideron si të paprecedentë atë që po ndodh në rastin e Belerit, kur kryebashkiakë grekë vijnë në Shqipëri dhe protestojnë, ndërkohë që ndaj tij, ka një akuzë të ngritur nga SPAK. Në komentin e tij, Rama thotë se për një plesht nuk mund të digjet jorgani, duke përdorur kështu një thënie të vjetër.
I vëllai i kryebashkiakut të zgjedhur të Himarës, Fredi Belerit,. Leonardo, në një intervistë në emisionin e mëngjesit në SKAI, u shpreh se në Shqipëri Fredi po përballet me një çështje demokracie.
“Fredi po lulëzon, na jep kurajo, në vend që t’i japim ne atij kurajo. Ne marrim forcë prej tij. Fredi e di që ndjekja e tij është politike. Ai ka qenë në politikë që në moshën 20-vjeçare, interesohet për vendin e tij”, tha Leonardo Beleri.
Ai shtoi se ata të gjithë duan që Shqipëria të anëtarësohet në familjen e BE-së.
Sa i përket pronës, Leonardo u shpreh se në 10-12 vitet e fundit gjithçka që ndërtohet në zonë nuk është e vendasve dhe as e investitorëve të huaj.
“Është vetëm e shqiptarëve. Nuk ka ardhur asnjë investitor i huaj. Të gjithë janë zyrtarë aktualë dhe ish,”- tha ai, dhe shtoi se nuk mund të ketë zhvillim turizmi pa vendasit.
The post Fredi Beleri në burg, flet i vëllai: Ai po lulëzon, na jep kurajo appeared first on 27.
