Në Festivalin e përvitshëm në Francë, i cili ka nisur që prej 7 korrikut sopranoja shqiptare Ermonela Jaho ka interpretuar “La Traviata” në krah të tenorit spanjoll Placidio Domingo. Për rreth dy orë, interpretimi i Jahos në rolin e Violetës ka ngjallur emocione të jashtëzakonshme tek publiku.
Me një nga operat më popullore të Verdit, Ermonela Jaho është shfaqur në skenën e teatrit “Choregies d’Orange” mjaft elegante, herë me një fustan të kuq në aktin, kur Violeta është në qendër të vëmendjes dhe festave mondane dhe më pas me një të bardhë, kur ajo ka vendosur të tërhiqet nga jeta e mëparshme për hir të dashurisë së Alfredos.
Në rolin e Violetës, Ermonela Jaho në krah të tenorit spanjoll Placido Domingo do të interpretojë edhe në natën finale të Festivalit të përvitshëm të emrave më të mëdhenj operistikë, i cili ka nisur që prej 7 korrikut.
