Tre persona kanë humbur jetën dhe 7 të tjerë janë plagosur pasi autobusi i shkollës me të cilin udhëtonin është “ndarë më dysh” kur u godit nga një tren në Millas të Francës.
Media franceze raporton se të paktën 3 kanë vdekur dhe 7 janë në gjendje serioze për jetën, ndërsa dy të tjerë kanë pësuar plagë më të lehta. Të gjithë viktimat ndodheshin në bordin e autobusit.
Treni është përplasur me pjesën e pasme të autobusit, i cili dyshohet të ketë hyrë në kalimin hekurudhor edhe pse barrierat ishin duke u ulur, siç raporton “France Bleu”.
Autobusi po transportonte fëmijët e një shkolle lokale. Ministrja franceze e Transportit, Elisabeth Borne ofroi ngushëllimet për viktimat dhe familjet e tyre pas aksidentit. Duke shkruar në “Twitter”, ajo tha se “ishte një incident i tmerrshëm”, duke shtuar se “shërbimet shtetërore të lehtësimit janë tërësisht të mobilizuara”.
