Franca është tronditur nga vrasja e një oficeri policie dhe bashkëshortes së tij në shtëpinë e tyre në afërsi të Parisit
Personi i armatosur me thikë qëlloi 9 herë oficerin Jean-Baptiste Salvaing, 42 vjeç dhe mori peng gruan dhe djalin e tyre 3 vjeçar në shtëpinë e tyre në Magnanville pranë Parisit, para se të vritej nga policia. Partnerja u gjet e vdekur, kurse fëmija arriti të shpëtohej.
Mediat franceze thonë se sulmuesi kishte qenë i dënuar me tre vite burg në vitin 2013 për përfshirje me grupet xhihadiste pakistaneze dhe përfshirje kriminale me qëllim përgatitjen e akteve terroriste. Ai është identifikuar si Larossi Abballa, 25 vjeç dhe jetonte në afërsi të Mantes-La-Jolie.
Pak para se të kryente krimin 25 vjeçari Abballa, në një postim në facebook u bën thirrje policëve e gazetarëve për vrasjen. Në postim ai shkruante se “Euro 2016 do të jetë një varrezë”. Faqja e tij është bllokuar menjëherë pas publikimit ndërsa ende nuk dihet nqs 25 vjeçari ka patur lidhje me ISIS apo ka vepruar i vetëm.
Dëshmitarët thanë se agresori kishte bërtitur “Allahu akbar” (Zoti është i madh) para se të vriste shefin e policisë, i cili në atë moment nuk ishte në detyrë dhe për rrjedhojë nuk kishte veshur uniformën. Agjencia e Lajmeve e Shtetit Islamik “Amaq” tha se autori i sulmit është luftëtar i tyre.
“Një akt i tmerrshëm terrorist është kryer dje në Magnanville nga një individ, i cili sulmoi një polic dhe gruan e tij, e cilia ishte gjithashtu zyrtare në stacionin e policisë”, tha Cazeneuve pas mbledhjes së kabinetit qeveritar drejtuar nga Presidenti François Hollande. Vendi ndodhet në gjendje të jashtëzakosnhme, e cila u shty tre herë rresht për shkak të Kampionatit Europian të Futbollit.
