Franca kërkon fundin e marrëveshjes për tregtinë e lirë me Shtetet e bashkuara të Amerikës. Sekretari i Shtetit për Tregtinë e Jashtme, Matthias Fekl, bëri të ditur se vendi i tij do t’i kërkojë Komisionit Europian në shtator ndërprerjen e bisedimeve, pasi për to nuk ka më asnjë mbështetje politike.
Zyrtarët e Francës argumentojnë se Shtetet e Bashkuara po japin shumë pak në këtë marrëveshje, ndërkohë që pretendimet e tyre janë mjaft të mëdha në atë që kërkojnë të marrin. Për këto arsye, Parisi nuk e mbështet më politikisht arritjen e një marrëveshje për draftin e hartuar, duke kërkuar rinisjen e negociatave nga e para.
