Flasin dy të moshuarit nga Fieri të cilëve fqinji mbrëmjen e djeshme u ka hyrë në shtëpi dhe u ka grabitur 30 mijë lekë të reja dhe më pas është larguar.
Ata thonë se e kanë njohur autorin, i cili ishte fqinji i tyre. Siç tregojnë të moshuarit 47 vjeçari ka thyer xhamat dhe ka hyrë brenda me sopatë duke i kërcënuar që t’i jepnin lekët.
“Ai ishte pa maskë, kapelën e kishte hequr. Nuk kishte kapele po them. E njohëm autorin, ai na kërcënoi me sëpatë. Na grabiti lekët që do të blinim dru për dimrin. E njohim, e ka shtëpinë afër nesh. Policia e arrestoi në një shtëpi këtu pranë. Ka qenë i dënuar në Itali tani ka dalë nga burgu
E mbante kështu sëpatën….I thashë për sytë e ballit nuk kam lekë të tjera”, tha e moshuara Athinaja, ndërsa i shoqi i saj shton se autorin e njohën se ishte pa maskë.
“Në orën 11 të natën na trokiti në derë. Theu xhamin , duke bërë terror. Mori lekët. Ia dhashë lekët, se kisha frikë se mbase ka shokë të tjerë. U frikësuam, se e dëgjoi gjithë lagjja. I theu xhamat me sopatë. I mori lekët dhe iku. I pa maskuar, shtëpinë e ka këtu matanë rreth 50 metra”, tha i moshuari.
