Stadiumit historik kombëtar “Qemal Stafa” duket se i ka ardhur fundi. Ka nisur sot zyrtarisht prishja e tij, mbi të cilin do të ndërtohet projekti i ri i stadiumit “Arena Kombëtare”, i cili do të jetë shtëpia e re e kombëtares shqiptare të futbollit.
Që në orët e para të mëngjesi të sotëm kanë mbërritur katër fadroma dhe kanë nisur prishjen e në anën veriore të stadiumit. Parashikohet që proçesi të zgjasë disa javë ku më pas do të nisin punimet për ndërtimin e stadiumit të ri.
Projekti i stadiumit të ri të “Arenës Kombëtare” do të ketë kapacitet prej 22 mijë vendesh dhe do te jetë shumë funksional. Përpos aktiviteteve sportive do të ketë hapësirë dhe për aktivitete të tjera.
