Ministri grek i Mbrojtjes i shoqëruar nga Ilias Kasidiaris dhe Kristos Papas të njohur botërisht si admirues të flaktë të Hitlerit
Ministri i mbrojtjes greke, Panos Kamennos, pati pak ditë më parë një vizitë në ishujt Kastelorizo, Ro dhe Stroggyli në juglindje të Egjeut, nga ku lëshoi edhe deklarata kërcënuese ndaj Shqipërisë. Në këtë vizitë ai shoqërohej edhe nga Ilias Kasidiaris dhe Kristos Papas, ky i fundit i njohur edhe në Shqipëri, ku ka folur për mediat, si admirues i Hitlerit. Kasidiaris dhe Papas, janë përfaqësues të Agimit të Artë, por edhe admirues të Hitlerit.
Kasidiaris, e ka svastikën naziste të bërë tatuazh në trup, kurse Papas, prej rinisë së hershme e shpreh adhurimin për Hitlerin dhe Rajhun e Tretë, madje duke vënë të përshëndesë si nazist edhe fëmijën raporton “Dita”. Kamenos ka qenë protagonist ditët e fundit i deklaratave dhe sjelljeve urrejtjenxitëse mes Shqipërisë dhe Greqisë.
Ndërkohë që për Panos Kamennos e të tjerë zyrtarë grekë, vazhdon të mbetet si një pretekst, akuza e pabazuar se çamët bashkëpunuan me nazistët. Është ky një pretekst për të mos lejuar kthimin e popullsisë çame në trojet e veta në Çamëri. Ndërsa dokumentet zyrtare të konfirmuara nga historianë shqiptarë, grekë dhe historianët më në zë në Europë, e konfirmojnë të kundërtën e akuzave greke. Asnjë historian serioz nuk ka deklaruar se popullsia çame bashkëpunoi me nazistët. E kundërta ka ndodhur. Historianë britanikë e amerikanë kanë vërtetuar se Napoleon Zerva dhe të tjerë grekë bashkëpunuan me nazistët. Por jo vetëm kaq. Ja ku jemi sot pas 70 vjetësh, kur grekët e rinj në krah të ministrit grek të Mbrojtjes, shfaqen me tatuazhe, ku kanë përjetësuar Hitlerin me fotografi, ku nderojnë si hitlerianë.
/dita.al/
