Janë rreth 20 kulla karakteristike prej guri gati 200-vjeçare, me të cilat identifikohet fshati Dragobi, atje ku është edhe shpella e heroi legjendar Bajram Curri. Fshati Dragobi identifikohet edhe me një ujvarë që rrjedh pingul nga shpati i malit, shtëpitë karakteristike prej guri, me çati të pjerrëta karakteristike për krahinën.
Kur kalon Dragobinë në krahun e djathtë të rrjedhës së ujit të Valbonës, mes pyllit të dendur ndodhet shpella e Bajram Currit, atje ku heroi jetoi çastet e fundit të jetës. Është një vend që nuk vizitohet shumë nga turistët ndoshta edh për shkak të terrenit të thyer.
Një grup inxhinierësh përcjellin përmes facebook disa foto të realizuar së fundmi tek Shpella e Dragobisë ose ndryshe shpella e Bajram Currit. Ndoc Mulaj, Blerant Lushaj dhe Erind Zllami, përcjellin me fotografi, rrugën që nis nga pamjet fantastike të Valbonës, kullat e Dragobisë e deri tek pamjet e rralla të shpellës së Bajram Currit.
