Në Athinë, në zonën Çaidar një shqiptar mbante të burgosur 28-vjeçaren greke në bodrum. Nga mediat greke janë publikuar disa pamje të disa prej shtëpive që ai mbante në qendër të Athinës të izoluar vajzën greke dhe disa gra të tjera.
Sipas protothema, dy shtëpi duken se janë në pallat dhe një tjetër shtëpi njëkatëshe e rrethuar me një mur të vjetër si një bodrum. Disa nga komshinjtë rrëfejnë se shikonin veprime të çuditshme nga shqiptari.
“Vetëm shqiptarët hynin dhe dilnin. Ai “grindej” me ata. Nuk e di nëse jetonte ndonjë vajzë brenda. Por me siguri përveç shqiptarëve kanë ardhur edhe femra , kryesisht më të reja se ata. Nga aty kuptuam që po bënte diçka”, tha një banore e asaj zone.
Momente makthi përjetoi 28-vjeçarja greke nga shqiptari, të cilin e njohu përmes Facebook dhe në vend që ta punësonte si nënpunëse në kafenenë që kishte në Kolonos, e burgosi në një bodrum në Çaidar dhe e çoi në bordell në Athinë.
