Irani dhe SHBA janë gati për “finalen” e zjarrtë në grupin B. Fitorja është alternativa e vetme për kombëtaren amerikane, ndërkohë që Irani mund të kualifikohet edhe me barazim, gjithmonë nëse Uellsi nuk bën surprizën duke mposhtur Anglinë në takimin tjetër të grupit.
Trajnerët Gregg Berhalter dhe Carlos Queiroz kanë zgjedhur titullarët e betejës që do zhvillohet në “Al Thumama Stadium”, Doha. Berhalter ka bërë dy ndryshime në formacion krahasuar me sfidën ndaj Anglisë, që përfundoi në barazim 1-1.
Sulmuesi i Norwich, Joshua Sergent është preferuar ndaj Haji Wright në qendër të sulmit, ndërkohë që Cameron Carter-Vickers ka fituar balotazhin me Walker Zimmerman në qendër të mbrojtjes së SHBA.
Irani vjen me moral të lartë pas triumfit ndaj Uellsit dhe tekniku portugez ka ndryshuar vetëm titullarin e portës. Queiroz ka zgjedhur t’i besojë nga minuta e parë portierit Alireza Beiranvand në vend të Hossein Hosseini. Ndeshja fillin në orën 20:00.
