Forca të shumta të policisë, specialët e RENEA-s kanë nisur një operacion për vendosjen në pranga të Klement Balilit, i cili akuzohet në Shqipëri dhe Greqi si një nga drejtuesit kryesorë të një organizate për trafik ndërkombëtar droge.
Sipas burimeve mediatike mësohet se rreth 200 forca policore janë përfshirë në këtë aksion të gjerë.
Policia ka kryer kontrolle në shtëpinë e Klement Balilit dhe sipërmarrjet e tij, por deri më tani ka dalë duarbosh.
Operacioni përfshin edhe Delvinën, ku Balili gëzon disa prona.
Gjithçka ka nisur orët e para të mëngjesit. Policia është e bindur që Klement Balili nuk është larguar asnjëherë nga Shqipëria.
Vetëm pak ditë më parë në Ministrinë e Drejtësisë ka mbërritur nga pala greke një dosje prej 10 mijë faqesh me akuza, informacione për Klement Balilin dhe aktivitetin e tij.
