Forcat e qeverisë libiane kanë arritur që të rimarrin nën kontroll portin e Sirtesë që deri më tani kontrollohej nga militantët e ISIS. Kjo zonë është konsideruar bastoni më i rëndësishëm i Shtetit Islamik jashtë Irakut dhe Sirisë, duke parë se kjo organizatë terroriste po humbet territore në Siri dhe Irak.
Nga zyrtarë bëhet e ditur që në fillimet e kësaj jave aerplanë luftarakë bombarduan pozicionet e ISIS në Sirtë, teksa forcat e marinës hodhën raketa në port. Ndërkohë beteja për portin ka nisur më herët gjatë këtij muaji, teksa forcat e qeverisë që mbështeten nga Organizata e Kombeve të Bashkuara kanë sulmuar përmes bombardimeve ajrore dhe sulmeve nga forcat e marinës. Bëhet me dije se drejtuesit e Shtetit Islamik në këtë zonë janë larguar në drejtim të shkretëtirës që ndodhet më në jug, ndërkohë që disa ekstremistë janë ende të rrethuar dhe neutralizimi i tyre është thjesht çështje kohe.
Burime nga ushtria libiane konfirmojnë se gjatë përpjekjeve për të rimarë nën kontroll portin e Sirtesë kanë humbur jetën dy ushtarë ndërkohë që tetë të tjerë kanë mbetur të plagosur, por ndodhen jashtë rrezikut për jetën. Pavarësisht marrjes së portit, Shteti Islamik ka ende nën kontrroll një sasi të konsiderueshme territoriale në Siri.
