Një shtetas shqiptar dhe një shtetas italian janë shpëtuar mbrëmjen e djeshme nga forcat detare, pasi gomonia me të cilën po udhëtonin rrezikohej të mbytej në det.
Gomonia ishte në një distancë rreth 5 milje në veriperëndim të ishullit të Sazanit.
Shtetasi shqiptar është Bledar Zini Janushaj, nga Vlora dhe shtetasi italian Atilo Giuzepe Dibello. Ata ishim nisur nga brigjet italiane në drejtim të Shqipërisë me gomone, por pranë Sazanit kanë qenë në vështirësi për t’u mbytur dhe menjëherë kanë kërkuar ndihmë.
Rreth orës 21:10 të mbrëmjes së kaluar, Forcat Detare janë njoftuar për rastin nga Policia e Vlorës dhe nxorën menjëherë në operacion shpëtimi anijen e gatshme të rojës bregdetare “Mati”.
Në orën 22:50 anija “Mati” arriti të gjejë e lokalizoj skafin, ndërsa ka kryer disa herë manovra për të bërë të mundur tërheqjen e skafit. Dy personat u shoqëruan drejt Triportit, ndërsa skafi u mbyt afërsisht 2,2 milje në veriperëndim të Sazanit.
Policia po punon për zbardhjen e plotë të kësaj ngjarjes.
