Rekomandimi: Mblidhni taksat dhe shtoni shpenzimet publike
Mblidhni taksat dhe rrisni investimet. Kjo është me pak fjalë këshilla që ka lënë pas misioni i fundit i FMN në Shqipëri. Në deklaratën përmbyllëse të FMN-së pas analizës së situatës buxhetore rekomandohet që rregullimi fiskal të fokusohet kryesisht në anën e të ardhurave. “Duke pasur parasysh nevojën për shpenzime më të mëdha në fusha të tilla si infrastruktura dhe arsimi, si dhe efikasitetit relativisht të ulët të taksave në Shqipëri, strategjia e konsolidimit duhet të fokusohet në zgjerimin e bazës tatimore dhe në forcimin e pajtueshmërisë dhe administrimit të të ardhurave”, është këshilla e FMN. Duke folur për mundësitë e shtimit të të ardhurave nga taksat misioni i FMN ka identifikuar edhe burimet e mundshme ku në radhë të parë është evazioni i lartë. Por vec kësaj rekomandimet e tjera nuk mungojë. Të tilla janë: qeveria duhet të pezullojë përjashtimet e tjera tatimore apo trajtimet preferenciale të taksave, si edhe të përshpejtojnë punën për kadastrën fiskale, me qëllim të aplikimit të tatimit nbi pronën në deri në fund të vitit 2017. Sipas ekspertëve të Fondit, realizimi i këtyre objektivave do të cojë në rritje të investimeve, të cilat së bashku me investimet private në projekte të mëdha të energjisë do të garantojnë rritje të ekonomisë.
