Deputetja e Partisë Demokratike Flutura Açka e quajti të rëndë mënyrën e trajtimit të çështjes të së resë nga Librazhdi, të cilën vjehrri dhe vjehrra e gjetën me të dashurin e saj e filmuan dhe videon e shpërndanë në rrjete sociale. Gjatë fjalës së saj në Kuvend, Açka u shprehu revoltën e saj duke thënë se ky shtet bie era seks pasi
“Të vendosësh një grua në qendër të blororisë shqiptarë, s’është ndonjë far shteti që justifikoni rrogat jo një shtet që bën sehir para këtij krimi, se krim nuk janë vetëm armët apo droga. Këto i quajtën qasje malinje. Shiheni se çfarë ndodhi, hynë në intimitetin e saj pa leje, me çizme me baltë. I heqin batanijen që ta shohin të zhveshur, marrin edhe një zogori dëshmitarësh që shuajnë epshet, i kujtojnë bukën e ujin që e kanë dhuratë prej tyre, e hedhin në internet, është krim, thërrasin policinë dhe polici tallet me situatën, ajo përfundon në spital pa asnjë lloj ndihme, burri e kërcënon se do ta vrasë, vëllai e kërcënon ta vrasë.
Ky shtet bie era seks. Janë regjistruar shumë në kompani shtetërore, që nuk janë paraqitur asnjëherë në punë, shugar girls, që shkojnë e vijnë në ambasada e paguhen me taksat e qytetarëve. Kam të dhëna të sakta nga të huajt. Ajo ka shpëtuar vetëm nga fakti se bastuni nuk ishte automatik se do të ishte harruar. I bëj thirrje SPAK-ut të hapë dosjet se kam bindjen se janë përfshirë strukturat shtetërore, le të hyjnë dhe do të zbulojnë shumë gjëra. Është përfshirë një eksponent i lartë shtetëror, një gjykatës i cili nxitoi të mbyllte çështjen se e tha fare qartë, s’do të rrëzojmë qeverinë për një vrimë” – tha Açka.
