Një ditë pas vdekjes së efektives së forcave të Armatosura, Zarife Hasanaj, ka folur babai i 32 vjeçares.
Muharrem Hasanaj tregon se e ka përcjellë vajzën në Rinas më 22 dhjetor të 2018 për në Letoni, gjë për të cilën ai nuk ishte dakort.
“Fatin e vajzës sime mos ta ketë kush. Specialiteti i saj ishte të pastronte vendin nga minat, por i ndodhi ajo që nuk duhet të ndodhte.
Takimin e fundit me të e kam pasur në 22 dhjetor kur e përcolla në Rinas për në Letoni. Pas asaj dite flisnim vetëm në telefon. Na merrte çdo dite dhe na pyeste a jemi mirë. Edhe dje në mëngjes folëm. Me tha se ishte mirë dhe se do të shkonte në punë. Pastaj mora lajmin e asaj që ndodhi.
Vajza punonte prej më shumë se 10 vjetësh në ushtri. Ishte dëshira e saj. I pëlqente uniforma. Ma ka shprehur këtë dëshirë para 10 vjetësh kur dorëzoi dokumentet për tu pranuar në ushtri. Unë si plak dhe malësor nuk isha dakord me këtë zgjedhje por përsëri e pranova, sepse të rinjve nuk ua pengon dot dëshirat.”- tha i ati i të ndjerës.
Zarife Hasanaj humbi dje jetën në krye të detyrës si pasojë e shpërthimit të një mine në Letoni, ku ndodhej me mision
