“PD duhet të mos na e japin ndjesinë që kanë keqpërdorur besimin tonë, kur kërkuam të përfaqësohen me 50% të komisioneve për vetting-un.”
I qartë dhe pa asnjë mëdyshje, raportuesi për Shqipërinë në Parlamentin Europian, Knut Fleckenstein, i ka kërkuar Partisë Demokratike të kthehet në Kuvend për të votuar vazhdimësinë e procesit të vetting-ut. Në një konferencë për mediat, Fleckenstein ka qënë i drejtpërdrejtë, kur tha se deputetët e PD-së duhet të kthehen në parlament për të na bindur se vetting-un e kanë votuar seriozisht.
“Nuk bëj komente për protestën, sepse është çështje e brendëshme. Është e drejta e qytetarëve dhe opozitës të protestojë. Por, bojkoti i kuvendit, është për mendimin tonë mënyra jo e duhur për sa i përket atyre zgjedhësve që kanë votuar për ta. Prandaj, i kërkoj kolegëve dhe miqve të mi në PD që të vazhdojnë atë çfarë mendojnë se me protestën, por të kthehen në parlament. Ju siguroj që nuk është vetëm mendimi i Fleckenstain, i ambasadores së BE, Vlahutin apo i Mogherini-t, por ky është mendimi i të gjithë BE-së.
PD duhet të mos na e japw ndjesinë që kanë keqpërdorur besimin tonë. Minimalja që ne kërkojmë është të kthehen në parlament për të punuar nëpër komisione për ta bërë funksional procesine vetting-ut dhe reformën në drejtësi. Deri tani kemi dëgjuar fjalët, tani duam vepra”, tha Fleckenstein.
