“Dua t’iu konfirmoj që ne në PE do vazhdojmë të punojmë dhe inkurajojmë faktorët në BE në mënyrë që negociatat të çelen gjysmën e parë të vitit që vjen”, ka qenë kjo deklarata e raportuesit për Shqipërinë në Parlamentin Europian, Knut Fleckenstein.
Ai theksoi se çelja e negociatave të anëtarësimit do të jetë në varësi të ecurisë së reformave.
“Kam ardhur këtu të dëgjoj se cilat janë prioritetet e qeverisë pas zgjedhjeve. Po marr informacionin e duhur për rrugëtimin që do të ndjekë Shqipëria për integrimin në BE.
U takova me Presidentin dhe zyrtarë të tjerë. Reforma në drejtësi nuk është një proces i lehtë, por do të vazhdohet në këtë rrugë.
Dua t’iu konfirmoj që ne në PE do vazhdojmë të punojmë dhe inkurajojmë faktorët në BE në mënyrë që negociatat të çelen gjysmën e parë të vitit që vjen.
Nëse vijohet me rrugën e reformave, vendimi të merret në mars. Për çeljen e negociatave nuk ka kushte shtesë përveç pesë prioriteteve“, u shpreh Flekcnestien.
