Flamurtari në një periudhë të vështirë rezultatesh dhe jo vetëm, një krizë që nuk lidhet thjesht me vendin e parafundit në renditje, pro edhe me pagesat e munguara prej muajit korrik.
Administrator i Flamurtarit, Sinan Idrizi shprehet: “Do të ketë zgjidhje sepse ne kemi marrë një përgjegjësi dhe e pranojmë deri në fund përgjegjësinë tonë financiare. Kur ka krizë, kriza është e të gjithëve. Kemi humbje imazhi dhe sportiviteti, por besojmë se shumë shpejt do të kalojë”.
Mesditën e së martës në një tjetër takim mes trajnerit Magani dhe administratorit Idrizi, i cili nuk e ka pranuar dorëheqjen e trajnerit, madje i është premtuar zgjidhja e shpejtë e problemeve aktuale.
Gjithsesi, situata mbetet pezull deri në një vendim të dytë nga Magani, përsa i përket pankinës së vlonjatëve.
