Kryeministri Edi Rama ka bërë reagimin e parë pasi komentet shpërthyen kur flamuri me yllin komunist u shfaq një natë më parë në festivalin “Sunny Hill” në Tiranë.
Në një postim në Twitter, Rama ka ndarë një status të kryebashkiakut Erion Veliaj, i cili u është përgjigjur kritikave në lidhje me këtë simbol që doli në skenë në momentin që u luajt kënga “Asgjë sikur dielli”. Gjithashtu, në postim nuk lihet pa u sulmuar kreu i PD, Sali Berisha dhe kreu i PL, Ilir Meta.
“Nuk luftohet komunizmi me metoda komuniste! Kënga është një satire ndaj regjimit! @albannimani, dhëndër në Tiranë në një nga familjet më të përndjekura – e ka prodhuar para 8 viteve! Uroj të luftoni me të njëjtin zell sekretarin e PPSH në krye të PD dhe sigurimsin aleat!”- shkruhet në postim.
Nuk luftohet komunizmi me metoda komuniste!
Kenga eshte nje satire ndaj regjimit! @albannimani – dhender ne Tirane ne nje nga familjet me te perndjekura – e ka prodhuar para 8 viteve!
Uroj te luftoni me te njejtin zell sekretarin e PPSH ne krye te PD dhe sigurimsin aleat! ✌️ https://t.co/Ik4DLifjcV pic.twitter.com/y2gjcKRa1h
— Erion Veliaj #EYC2022 ???? (@erionveliaj) August 29, 2022
