Pas një pauze relativisht të gjatë, dy ditë më parë Fjolla Morina iu rikthye profesionit të saj. Këngëtarja ka publikuar këngën më të re, e cila është duet në bashkëpunim me reperin Nushi. Mesa duket pas kësaj pauze, Fjolla është kthyer fuqishëm, pasi kënga në më pak se 48 orë ka arritur 1 milion klikime në platformën Youtube.
Këtë sukses, Fjolla e ka ndarë me ndjekësit e saj në rrjetin social Instagram, ku nuk ka hezituar as të “thumbojë”. Këngëtarja ndër të tjera shprehet se nuk duhen veç lekë me bërë hite.
“Ju kom tregu me kohë që jam Nana. Tjera herë mos e merrni malin se për 3 minuta jua djegim komplet verën, duhet edhe guximi nganjëherë me bërë hite jo veç paret e për dallim prej juve neve na kanë ra hise krejt e jona është vera.”
Ju kujtojmë që disa kohë më parë, Fjolla Morina i dha fund martesës së saj me biznesmenin Fisnik Syla. Ishte ky i fundit ai që konfirmoi ndarjen e tyre përmes një postimi në llogarinë e tij në Instagram duke e cilësuar veten si një zog i lirë. Syla ka zbuluar gjithçka në lidhje me ndarjen nga Fjolla, duke i dhënë fund njëherë e mirë kësaj historie.
Ndonëse këngëtarja nuk ka folur drejtpërdrejtë për ndarjen ajo ka lënë të kuptohet në rrjetet sociale se është tradhtuar. Lidhja e tyre u zbulua në shtator të 2020 kur këngëtarja u arrestua në pikën kufitare të Morinës, pasi u kap me dy armë me vete. Ajo u dënua me arrest shtëpie në Kukës por në dhjetor të atij viti u arratis drejt Maldives me Fisnikun ku edhe u martuan në fillim të 2021.
Fisniku është baba i dy fëmijëve, ashtu si Fjolla, e madje ish-bashkëshortja e tij akuzoj Fjollën se ka qenë ajo shkaku i ndarjes së tyre. Mirëpo, këto deklarata u mohuan asokohe nga vetë biznesmeni i cili tha se divorci kishte nisur prej kohësh.
Pas gati një viti ta martuar ai dhe këngëtarja i kanë dhënë fund lidhjes teksa ende nuk dihet shkaku i vërtetë i ndarjes.
View this post on Instagram
